Nyob zoo, peb cov koom zej zog.

Kuv yog Jazz Hampton. Kuv yog ib leej txiv, neeg nyob koom zej zog, tus tswv lag luam me, kws lij choj, kws qhia ntawv, thiab kws txhawb nqa zej zog mus ib txhis, thiab kuv yuav khiav qhov hauj lwm no los ua nej Tus Thawj Tswv Nroog Minneapolis tom ntej no.

Kuv tau ua lub neej feem nyob hauv thiab ib ncig lub nroog uas zoo nkauj heev no-thiab tam sim no kuv yug kuv tsev neeg nyob hauv Minneapolis Qab Teb.

Minneapolis tsis yog kuv lub tsev nkaus xwb; nws yog ib feem ntawm kuv kiag.

Kuv yog tus tsim tus choj uas coj noj coj ua nrog kev sib hwm thiab coj cov neeg los sib koom tes. Muaj kev paub los ntau xyoo txog kev tawm tsam kom tau kev ncaj ncees, kev muaj vaj huam sib luag, kev nyab xeeb, vaj tse nyob thiab lub hwv tsam, Kuv paub txog yam uaskuv siv los tsim kev hloov pauv tiag.

Kuv ntseeg tias cov neeg muaj hwj chim tshaj kas moos–vim tias Minneapolis tsim nyog tau tus thawj coj uas saib lub zej zog ua ntej tshaj plaws.

Kuv khiav txoj hauj lwm no tsis yog los tawm tsam leej twg. Kuv khiav txoj hauj lwm no rau peb lub nroog thiab rau nej.

Cia peb los pib tshooj tshiab rau Minneapolis ua ke.

Jazz Hampton Lub Zeem Muag rau Minneapolis

Cov Hau Kev Daws Teeb Meem Tiag. Kev Ua Thawj Coj Uas Muaj Peev Xwm. Lub Nroog Us Ua Hauj Lwm rau Peb Txhua Leej. Kev Nyab Xeeb Ntawm Pej Xeem rau Txhua Leej

• Nqis peev rau kev tiv thaiv kev ua txhaum cai: nthuav dav cov pab pawg saib xyuas kev noj qab haus huv fab kev puas siab puas ntsws, cov neeg cuam tshuam rau kev ua phem, thiab cov khoos kas pab cov hluas uas nres kev ua txhaum cai ua ntej nws yuav pib.

• Tsim kev sib ntseeg siab los ntawm kev thaj tsob: xyuas kom paub meej tias muaj kev saib xyuas yam dawb huv, yuam kom muaj kev txhim kho tub ceev xwm, thiab tsim lwm cov hau kev xaiv rau kev hais daws los ntawm kev siv riam phom raws li qhov tsim nyog.

• Tsim lub lab npauv kev nyab xeeb uas pab cuam txhua leej: pab tub ceev xwm tsom rau kev ua txhaum cai loj, nthuav dav kev ncaj ncees kom muaj kev sib haum xeeb, thiab xyuas kom paub tseeb tias txhua koog zej zog tau txais kev pov thaiv yam muaj vaj huam sib luag.

Vaj Tse Nyob uas muaj Meej Mom

• Txhim kho kev hais daws txog kev tsis muaj vaj tse nyob yam muaj kev hlub tshua los ntawm pab pawg saib xyuas uas muaj kev nthuav dav, cov kev pab cuam txhij txhua, kev txo qis kev phom sij, thiab txoj hau kev uas tsom rau vaj tse nyob ua ntej.

• Txhawb kev tsim vaj kho tsev chaw nyob nrog kev pom zoo nrawm zog, cov nyiaj txhawb siab rau kev muaj peev xwm yuav tau, thiab kev txhim kho yam txawm ntse.

• Nthuav dav kev ua tswv los ntawm cov khoos kas uas nkag cuag tau rau, cov kev nqis peev rau hauv zej zog, thiab kev txhawb nqa rau cov zej zog uas raug cais tawm hauv yav dhau los.

Kev Loj Hlob Fab Kev Khwv Noj Khwv Haus thiab Kev Pov Thaiv Neeg Ua Hauj Lwm

• Tsim Lub Chaw Muab Kev Pab Cuam Rau Lag Luam Me nrog kev pab fab kev cai lij choj thiab kev suav nyiaj txiag pab dawb, muaj cov nyiaj txais uas muaj paj ntsig qis, thiab kev tso cai nrawm zog

• Qhib siv lub khoos kas pib "Yuav Hauv Zej Zog" rau kev yuav khoom hauv nroog

• Lees Paub Ntawv Pov Thawj Txog Nqi Siv Rau Kev Ua Neej nrog cov txiaj ntsig yuav tau fab nqi se rau cov lag luam uas them cov nqi zog thiab cov txiaj ntsig yam ncaj ncees

• Tsim Lag Luam Me thiab Xab Phas Neeg Ua Zog los tsim cov hau kev daws uas ua hauj lwm rau txhua leej

Kuv Li Kev Cog Lus yuav Pov Thaiv Nej Cov Cai

• Pov thaiv kev ywj pheej ntawm pej xeem—tsis muaj kev zam

• Tiv thaiv cov cai ntawm kev tsim noob neej thiab LGBTQ+

• Ua kom nroog Minneapolis yog ib lub nroog muaj kev nyab xeeb

• Xaus kev ntxub ntxaug haiv neeg thiab kev tshawb nrhiav uas txhaum rau tsab niam cai

• Tsim lub nroog uas txhua leej muaj feem pab

Nyob ua ke, peb thiaj yuav tsim tau Minneapolis uas muaj kev nyab xeeb dua qub, muaj zog dua qub, muaj kev ncaj ncees dua qub—thiab muaj tseeb rau txhua leej.